أفضل بوت سيستم Probot
probot بروبوت
Essa.O
أكيد شفت اسم بروبوت في حتة قبل كدا ، بروبوت ؛ وهو بوت تأسس في 2016 ، البوت ده بيدعم مزايا كتير من ضمنها الترحيب بالصور ، أوامر مهمة جداً للسيرفر ، ومزايا كتير تانية. 
بدأ البوت ينتشر في سنة 2017 ، بعد ما اتعمل للبوت لوحة تحكم "DashBoard" ، عشان تسهل عليك التحكم بالبوت في سيرفرك ، ويعطيك أفضل تجربة للبوت.
لحد ما وصل البوت لـ 1700 سيرفر ، وقتها البوت بدأ يتطور وتمت إضافة النسخة المدفوعة وقتها وكانت بسعر بسيط.
لحد ما في يوم البوت وقف لمدة 3 أيام بسبب حملة سبام على البوت ؛ وفي الأوقات دي البوت كان بيتطور و بيضيفوا مميزات جديدة لحد ما وصل البوت لـ 20 ألف سيرفر.
عدا وقت طويل و بدأ البوت إنه يدعم اللغة الانجليزية و يطورها ، و اتغير شعار البوت عشان يظهر بصورة وواجهة جديدة في بداية 2019
و من ضمن التحديثات الي حصلت أنتقل الرابط من probot.pg.sa إلى probot.ioو اعتبروا الرابط ده كـ رابط رسمي للوحة التحكم الخاصة بالبوت.
عدت الايام ووصلنا لـ نص سنة 2019 ، وقتها البوت بقى يدعم أكثر من 15 لغة مُختلفة ، و غير كدا إن البوت قرب يتخطى حاجز ال100 ألف سيرفر وده رقم كبير جداً بيدل على أن البوت كويس و متعوب عليه وإلا مكانش جاب الرقم ده.
وإلى يومنا ده والبوت بيطمح إنه يجيب أعداد أكتر من كدا ، وبالدليل إن البوت النهاردة اتعدى حاجز ال8 مليون سيرفر ؛ و بكدا ده يعتبر أكبر بوت عربي 
- السيرفر الرسمي للبوت : discord.gg/probot
- الموقع الرسمي : probot.io
- الحساب الرسمي بتويتر : @ProBotDiscord
